Бер һүҙ...

(Йылы һүҙ-йән аҙығы.Мәҡәл)

Мин оноттом инде кемлегемде:

Мин,моғайын,зәһәр йыландыр.

Ул да ,бахыр,ҡойроғона баҫһаң,

Ауыртыуҙан,йәки сараһыҙҙан,

Ағыуҙарын сәсә торғандыр.

Мин оноттом инде кемлегемде:

Мин, моғайын,Төньяҡ боҙлоҡтор.

Минең йөрәгемдә туңып ҡалған

Һыуыҡтарҙан-һыуыҡ,зәһәр,ыжғыр,

Боҙҙарҙан да хәтәр боҙ юҡтыр.

Мин оноттом инде кемлегемде-

Эш атымы?Әллә күк әрем?

Юҡсы.Яҙ икәнмен.Наҙ икәнмен.

Тирә-яғым ап-аҡ нурға тулды,

Асылып та китте күҙҙәрем.

Кемдер йылмайып һүҙ ҡушып китте-

Мин әйләндем дөрләр усаҡҡа,

Һайрар ҡошҡа,ҡупшы төлкөгә...

Бер уйлаһаң бигерәк көлкө лә:

Бер һүҙ етә-боҙға әйләнергә.

Бер һүҙ етә-ҡуҙға әйләнергә.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)