Әлшәй хәбәрҙәре
-15 °С
Болотло
75 лет Победы
Бөтә яңылыҡтар
Шиғри тулҡындарҙа
7 Декабрь 2018, 14:48

Дуҫтарыма

Дуҫтарым күп ине йәш саҡтарҙа,

Сөнки миңә хужа ине хистәр,

Уйҙа бары уйын көлкө ине,

Башта-һөйөү һәм дә айлы кистәр.


Ләкин бөгөн хужа миңә Аҡыл,

Ә Аҡылдың уң ҡулында -бизмән.

Һул ҡулына тотоп алған иләк-

Килә дуҫлыҡ хаҡын үлсәп,иләп.


Шуғамылыр,яндағы дуҫтарым,

Бармаҡ менән генә һанарлыҡ.

Ләкин,һәр береһе-тайғанымда

Иңен ҡуйыр таяу булырлыҡ.


Мин дә терәк була алһам ине

Дуҫ-туғанға ауыр саҡтарҙа.

Донъя йөгө еңел була бит ул

Бер йөккә егелеп тартҡанда.


Гөлнур Ғиззәтуллина
Читайте нас в