Һағынам...

(Инәйемдең яҡты иҫтәлегенә)

Ҡара болот баҫһа көндәремде,

Һары һағыш баҫһа иңдәремде,

Тип-тигеҙ ерҙә лә абынам-

Әсәй,һине бигерәк һағынам.

Яңғыҙлыҡтан дер-дер өшөгәндә,

Ҡарлы-боҙло һалҡын ҡыш килгәндә,

Һин бәйләгән шәлде ябынам-

Әсәй,һине бигерәк һағынам.

Әйтелеп бөтмәгән матур һүҙҙәр,

Һаман һинең һынды эҙләй күҙҙәр,

Һине бер күрергә зарығам-

Әсәй,һине бигерәк һағынам.

Бер ҡайғыһыҙ бала саҡтарыма

Ҡайтып килер инем яңынан.

Донъямдың түңәрәк ваҡыттарын-

Әсәйле сағымды һағынам.

Гөлнур Ғиззәтуллина

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)