Әлшәй хәбәрҙәре
-21 °С
Болотло
75 лет Победы
Бөтә яңылыҡтар
Шиғри тулҡындарҙа
1 Ноябрь 2018, 13:31

Йәшлегем елдәре

Үткән саҡта буйлап урамдарҙы
Никтер килә йырҙар hуҙаhым.
Йөрәккәйем, әллә күңелкәйем
Һиҙәләрме шунан уҙаhын.
Тибрәлдереп күңел гөлдәрен
Уяналар йәшлек хистәре.
Шаяртаhыҙ, әллә йыуатаһыҙ
Йәшлегемдең шаян елдәре.
Осрашҡанда серле ҡараштар
Нурҙар йома күҙҙәр ҡараhын.
Һиҫкәндереп йәшлек моңдарын
Яндыралар йөрәк яраhын.
Сәстәремде hыйпап, сикәләрҙе,
Ҡарҙар яуҙы инде биҙәкләп.
Йылы елдәр hиҙмәй сирттереп,
Хәтерләтте бәхет миҙгелен.
Тибрәлдереп күңел гөлдәрен
Уяналар йәшлек хистәре.
Шаяртаhыҙ, әллә йыуатаһыҙ
Йәшлегемдең шаян елдәре.
Венер ҒӘЛИМОВ.