+12 °С
Ямғыр
Бөтә яңылыҡтар
Шиғри тулҡындарҙа
9 Февраль 2018, 02:00
ИҢДӘРЕМӘ ҠУНСЫ, ӨМӨТ ҠОШОМ!
Эргәмдән ос, эй һин, Бәхет ҡошом, Киләсәккә бергә барайыҡ. Миңә тип аталған яҙмышымдың, Алтын асҡыстарын табайыҡ.
Эргәмдән ос, эй һин, Бәхет ҡошом,
Киләсәккә бергә барайыҡ.
Миңә тип аталған яҙмышымдың,
Алтын асҡыстарын табайыҡ.
Миңә инселәнгән яҙмышымдың
Табайыҡсы хәстәр-дауаһын.
Иңдәремә ҡунсы, Өмөт ҡошом,
Өмөт йөрөтә әҙәм балаһын.
Һауалағы бөркөт алыҫ булды,
Устарымда - ябай турғайым.
Ниндәй ауырлыҡтар осраһа ла
Мөхәббәтһеҙ итмә, Хоҙайым!
Сөнки Тормош ошо хәҡиҡәтте,
Иҫбат иткән инде мең ҡабат:
Өмөт булған ерҙә Бәхет була!
Бәхет булған ерҙә – Мөхәббәт!
Гөлнур ҒИЗЗӘТУЛЛИНА.
Яңы Сәпәш ауылы.
Читайте нас:
© 2020-2024 Сайт издания «Әлшәй хәбәрҙләре» Копирование информации сайта разрешено только с пись менного согласия администрации.
Телефон
8-34754 (2-34-45)
Электрон почта
Адресы
452122, Альшеевский район, с. Раевский, ул. Кирова, 3
Реклама хеҙмәте
8-34754( 2-34-46)
Редакция
8-34754 (2-34-49
Кадрҙар бүлеге
8-34754 (2-34-47)