Әлшәй хәбәрҙәре
-24 °С
Болотло
75 лет Победы
Бөтә яңылыҡтар

“Юл шул тиклем насар”

“Радий Фәрит улы, һаумыһығыҙ! Әле юлдар тураһында һөйләй торған миҙгел түгел, әлбиттә, шулай ҙа, Миәкә районының Мәнәүезтамаҡ, Иҡтисад ауылдарына иғтибар итегеҙ әле, зинһар. Никифар яғына бара торған юл шул тиклем насар, әйтеп аңлатырлыҡ та түгел.

Халыҡ матур йәшәргә тырыша, матур йорттар төҙөй, ә юлдар ҡот осҡос хәлдә, ҡайҙа ҡарама соҡор-саҡыр, бер ҡасан да ремонт эшләнмәгән”. Республика Башлығы Радий Хәбировҡа социаль селтәрҙәрҙән килгән мөрәжәғәттән.
- Әлшәй районы территорияһында, Никифарҙан Ғәйнәямаҡҡа тиклем алты саҡрым оҙонлоҡтағы юл участкаһын республиканың Юл хужалығы идаралығы хеҙмәтләндерә, унда 2019 йылдың дүртенсе кварталында ваҡ таш һалынды, - тип яуап бирә район хакимиәте башлығы урынбаҫары Наил Хәйретдинов. - Икенсе участка - Ғәйнәямаҡтан алып Туҡмаҡбашҡа тиклем юл, уның - оҙонлоғо 6,5 км, Әлшәй юл ремонтлау-төҙөү идаралығы ҡарамағында. Унда урындағы карьерҙан алынған ваҡ таш һәм ҡырсын таш түшәлгән. Ағымдағы йылдың авгусында айырым участкаларҙа 600 м юл төҙөкләндерелде. Ноябрь айында был юлда автогрейдер эшләне. Әгәр ошо юлдарҙан үткәндә ҡыйынлыҡтар килеп тыуһа, республика Юл хужалығы идаралығының тәүлек әйләнәһенә эшләүсе диспетчерлыҡ хеҙмәтенә 8-927-955-1100 телефоны буйынса мөрәжәғәт итә алаһығыҙ.
Фото:pervo.ru
Читайте нас в