Хөкөм ителгәнлек булмау тураһындағы белешмәне ҡайҙан алырға?

Хөкөм ителгәнлек булмау тураһындағы белешмәне ҡайҙан алырға?

Редакцияға ошондай һорау менән район үҙәгендә йәшәүсе бер ир мөрәжәғәт итте.

-Хөкөм ителгәнлек булыу (булмау) тураһындағы белешмәне Эске эштәр министрлығының республика буйынса мәғлүмәт үҙәге бирә.

Үҙәктең ҡабул итеү графигы: дүшәмбе, шишәмбе, йома – 12 сәғәттән 14 сәғәткә тиклем, йәкшәмбе – 10 сәғәттән 12 сәғәткәсә, шәмбе – ял көнө. Адресы: Өфө ҡалаһы, Ленин урамы, 7, Йәмәғәтселекте ҡабул итеү бүлмәһе.

Хөкөм ителгәнлек булыу (булмау) тураһында белешмәне алыу өсөн ғаризаны Интернет-мөрәжәғәт аша тапшырырға мөмкин, бының өсөн БР буйынсаа Эске эштәр министрлығының http://02.mvd.ru сайтында “Граждандар өсөн” – “Хөкөм ителгәнлек булыу (булмау) тураһындағы белешмәне алыуға ғаризалар ҡабул итеү” бүлегендә махсус форма тултырырга кәрәк. Шулай уҡ http://www.gosuslugi.ru Дәүләт хеҙмәттәре порталында ла тапшырырға була.

Белешмә мөрәжәғәт иткәндән һуң 30 көндән дә һуңламай әҙер була. Интернет-мөрәжәғәт аша биргән әҙер белешмәне алыу өсөн шәхсән Йәмәғәтселекте ҡабул итеү бүлмәһенә БР буйынса Эске эштәр министрлығының мәғлүмәт үҙәгенең граждандарҙы ҡабул итеү сәғәттәрендә килергә кәрәк. Үзең менән паспорт алып килергә, белешмә бушлай бирелә.

Хөкөм ителгәнлек булыу (булмау) тураһында белешмәне ҡайҙа теркәлеүгә ҡарамаҫтан Эске эштәр министрлығының теләһә ниндәй яҡындағы территориаль бүлегендә һәм Күп функциялы үҙәктә лә алырға мөмкин.

Раевка ауылы, Ленин урамы, 114 адресы буйынса урынлашҡан Рәсәй Эске эштәр министрлығының Әлшәй районы буйынса бүлеге штабының эш графигы һәм консультация алыу тәртибе: дүшәмбе, шишәмбе, шаршамбы, кесаҙна – 10 сәғәттән 12 сәғәткә тиклем, йома 15 сәғәттән 17 сәғәткәсә эшләй, шәмбе, йәкшәмбе – ял көндәре.

Тел. 8 (347) 279-4280, 8 (347) 279-4151.

Дәүләт хеҙмәттәре порталының ҡыҙыу линия телефоны: 8-800-100-7010, - тип яуап бирҙе Рәсәй Эске эштәр министрлыгының Әлшәй районы буйынса бүлеге штабы етәксеһе Гүзәл МОРАТХУЖИНА.