Дөйөм майҙанмы йәки торлаҡ майҙан ғынамы?

Өсөнсө сабыйҙары тыуған күп балалы әсәләр ер участкалары алыуға бәйле бер юлы ике һорау бирҙе. “Беҙ атай-әсәйебеҙ менән бергә йәшәйбеҙ. Торлаҡ майҙан күләмен иҫәпләгәндә дөйөм майҙан йәиһә торлаҡ майҙаны ғына иҫәпкә алынамы?” – тип һорай уларҙың береһе, “Мин - икенсе районда, ә балаларым Әлшәй районында теркәлгән. Участка алыу өсөн миңә ҡайҙа ғариза яҙырға?” – тип ҡыҙыҡһына икенсеһе.

-РФ Торлаҡ кодексының 15-се статьяһының 5-се пунктына ярашлы, граждандарҙың торлаҡ майҙан менән тәьмин ителеше кимәле (балкон, лоджия, веранда һәм террасаны индермәйенсә), торлаҡтың дөйөм майҙанынан сығып иҫәпләнә, - тип яуап бирә район хакимиәте башлығы урынбаҫары Наил ХӘЙРЕТДИНОВ. – Ә “Башҡортостан Республикаһында ер мөнәсәбәттәрен көйләү тураһында”ғы закондың 10-сы статьясыһының 3-сө бүлегенә ярашлы, өс йәки унан күберәк балиғ булмаған балалары, шул иҫәптән бергә йәшәгән (прописка булған) уллыҡҡа (ҡыҙлыҡҡа) алынған балалары булған ғаиләләрҙәге ата-әсәләр йәки шул уҡ талаптарға тура килгән тулы булмаған ғаиләләге ата-әсәнең береһе күп балалы ғаилә тип иҫәпләнә.