Йәшел ҡупшыҡай ҡайҙан килгән?

“Яңы йыл байрамы ла яҡынлаша. Ошо көндәрҙә район үҙәгенең Совет майҙанында, шулай уҡ “Ыласын” спорт һарайы һәм Яңауыл биҫтәһендәге 1-се балалар баҡсаһы эргәһендә шыршылар ҡуйҙылар. Уларҙы ҡайҙан алып ҡайттылар икән?” – тип ҡыҙыҡһына йәш әсә.

-Беҙ уларҙы Аксен урман хужалығынан һатып алдыҡ. Совет майҙанындағы шыршының бейеклеге - 13 метр, Спорт сарайы һәм 1-се балалар баҡсаһы эргәһендәгеләре 10 һәм 8 метрға етә, - ти Раевка ауыл биләмәһе башлығы урынбаҫары Вадим КИЛСУРИН. – Йылдың төп символын биҙәүгә ауылда йәшәүселәр ҙә үҙ өлөшөн индерә ала. Ауыл Советы хакимиәте төҫлө ҡағыҙҙан йәки туҡыманан, мамыҡтан, ҡатырғана йәки башҡа материалдан яһалған иң матур яңы йыл уйынсығына (әкиәт һәм йәнһүрәт геройҙары, ҡар бабай, ҡар бөртөгө, Ҡыш бабай, Ҡарһылыу һәм башҡалар) конкурс иғлан итте. Ул 18 декабргә тиклем дауам итәсәк. Төрлө номинациялар ҡаралған конкурста теләге булған һәр кем ҡатнаша ала. Тулы мәғлүмәтте беҙҙең рәсми сайтта алырға мөмкин. Конкурсҡа тәҡдим ителгән уйынсыҡтар менән Раевка ауылындағы яңы йыл шыршылары биҙәләсәк. Еңеүселәрҙе бүләкләү 31 декабрҙә Совет майҙанында буласаҡ.