Йөрәкте нисек һаҡларға?

Донъя кимәлендә киң танылған кардиохирург, «Милләт сәләмәтлеге лигаһы» дөйөм Рәсәй йәмәғәт ойошмаһы президенты Лео Бокерияның һәр кем өсөн файҙалы, фәһемле, шул уҡ ваҡытта ябай өс кәңәшен һеҙгә лә тәҡдим итәбеҙ. Йөрәкте нисек һаҡларға?

Иң беренсе аҙым – зарарлы ғәҙәттәрҙән ҡотолоу. Тап йәшәү рәүешенең дөрөҫ ойошторолмауы йөрәк сирҙәренә килтерә лә инде.

Икенсе яҡшы ғәҙәт – оҙайлы, сәләмәт йоҡо. Кәм тигәндә ете сәғәт йоҡларға, бер үк ваҡытта йоҡларға ятырға һәм уянырға кәрәк.

Кардиологтың өсөнсө кәңәше – көн һайын ун мең аҙым яһау, гел хәрәкәттә булыу.

Фото: pixabay.com