Балалар китабы аҙналығы

Балалар китабы аҙналығы сиктәрендә Ҡармыш ауыл китапханаһында "Һаумы, балалар китабы аҙналығы!" байрамы уҙҙы.
Мәҙәниәт йорто директоры Ф. Ф. Ишмырҙина төрлө уйындар, конкурстар ойошторҙо. Уҡыусылар шулай уҡ викторина һорауҙарына яуап бирҙе. Зөһрә Фәйзуллинаның "Р-һыҙ ҡалған Мырҙабай" әкиәт-пьесаһын 4-се класс уҡыусылары (синыф етәксеһе Һәүбәнова Гөлсирә Факил ҡыҙы) менән сәхнәләштерҙек. Руслан Ғәлимов, Әмилә Шәмсетдинова, Илһөйәр Ҡотлобаева, Таңһылыу Йәнгирова, Тимур Шәмсетдинов, Хәмит Муллағолов ролдәрҙе бик килештереп башҡарҙы. Байрам аҙағында кисәлә ҡатнашыусыларҙың барыһына ла татлы приздар өләштек.

Мәрзиә АБДРАХМАНОВА,

китапханасы.