Самир, Әмир, Тамерлан...

Тағы ла Имран, Элен, Аселя, Ролан, Злата, Артем, Артемий, Тамерлан, Тимур, Илария, Амелия, Әмир, Никита тип исем ҡушҡандар. Иң ҙур баланың ауырлығы 4510 грамм, иң бәләкәйенеке – 2560 грамм.

Быйыл ғинуарҙа - 32 бала (15 ҡыҙ һәм 17 малай) тыуған, ә 2020 йылда 35 булған. 9 пар (2020 йылдың ғинуарында – 12) ғаилә ҡорған, һигеҙе айырылышҡан. Ул ваҡытта ла, хәҙер ҙә атайлыҡты билдәләү тураһында алты акт яҙмаһы теркәлгән.

Ҡыҙғанысҡа ҡаршы, вафат булыусылар һаны тыуыусылар һанынан артып киткән . Быйыл 72 кеше вафат булған, был уҙған йыл менән сағыштырғанда 21-гә күберәк. 26 ир-ат һәм 46 ҡатын-ҡыҙ баҡыйлыҡҡа күскән. Хәтерегеҙгә төшөрәбеҙ, былтыр үлем тураһында 728 акт теркәлгән. 395 ир-ат һәм 333 ҡатын-ҡыҙ вафат булған.