Ҡыҙҙарға ҡарағанда малайҙар күберәк тыуған

- 2020 йылда районда 335 бала донъяға килде, уларҙың 171-е – малайҙар һәм 164-е – ҡыҙҙар. 85 ғаиләлә тәүге бала тыуған, 111-ендә – икенсе, 96-һында – өсөнсө, 43-өндә дүрт һәм артабанғы балалары донъяға килгән. Атайлыҡты билдәләү буйынса 55 осраҡ теркәлгән.

- Малайҙар араһында Самир, Артем, Тимур, Ислам, Владимир, Ярослав исемдәре киң таралған. Ҡыҙҙар араһында – Ралина, Ариана, Элина, Наҙгөл, Анастасия. Ә бына Ансар, Мират, Әғзәм, Рамин, Тамерлан, Ҡәҙриә, Илзана, Мирослава, Сара, Виталина, Дилия, Мелисса, Мөслимә исемдәре һирәгерәк осрай.

- Ҡыҙғанысҡа ҡаршы, шулай. Уҙған йылда үлем тураһында 728 акт теркәлде, был – 2019 йылға ҡарағанда 171 осраҡҡа күберәк. 395 ир-ат һәм 333 ҡатын-ҡыҙ вафат булған. Үлемдең төп сәбәптәре - йөрәк-ҡан тамырҙары, үпкә ауырыуҙары, онкология.

- Эйе, 174 пар өсөн (2019 йыл менән сағыштырғанда 36-ға кәмерәк) Мендельсон маршы яңғыраны. Шуны ла әйтергә кәрәк, ҡатын-ҡыҙҙар араһында никахҡа инеүселәрҙең йәше - 22-28, ир-аттарҙа – 23-34 йәш.

2020 йылда 161 ғаилә айырылышҡан, был 2019 йылға ҡарағанда дүрткә кәмерәк. 143 пар никахтарын суд ҡарарына ярашлы, 18-е үҙ-ара килешеү буйынса тарҡатҡан. Йышыраҡ 25-39 йәшлек, бер йылдан алып 10 йылға тиклем бергә йәшәгән ир-аттар һәм ҡатын-ҡыҙҙар айырылыша.

Биографик мәғлүмәттәрен үҙгәртергә теләүселәр ҙә табылған. Улар – 13 кеше.