“Фермер мәктәбе” белем биреү проекты

“Россельхозбанк” Башҡортостан Ауыл хужалығы министрлығы һәм Башҡортостан дәүләт аграр университеты менән берлектә эшҡыуарлыҡты үҙ көсө менән яңы башлаған, ауыл хужалығында мәшғүл буласаҡ эшҡыуарҙарҙы уҡыта һәм кәсеп алып барғандарға квалификацияһын үҫтереүгә ярҙам итәсәк.

“Фермер мәктәбе” тыңлаусыларының тәүге төркөмө ноябрь аҙағында “Сыр эшләү оҫталығы”, “Ит малсылығы" һөнәрҙәре буйынса үҙҙәренең бизнес-проекттарын яҡлап, дипломдар алды. Быйыл февралдә икенсе төркөм уҡый башлаясаҡ. Курстар 24 февралдән Башҡортостан дәүләт аграр университеты базаһында ойошторола.

Конкурсҡа документтар 30 декабрҙән ҡабул ителә башланы, 20 ғинуарҙа тамамланасаҡ. Уҡыусылар конкурс һөҙөмтәләре буйынса һайлап алына. Крәҫтиән (фермер) хужалыҡтары етәкселәре, шулай уҡ Башҡортостандағы ауыл биләмәһендә теркәлгән һәм даими йәшәгән, урта һөнәри йәки юғары белеме булған шәхси хужалыҡтар хужалары ғариза бирә ала. Проектта ҡатнашырға теләгәндәр күрһәтелгән ваҡытта “Һыу ҡоштары”, “Ҡортсолоҡ” йүнәлештәрендә эссе, презентация һәм видеояҙманы [email protected] электрон почтаға ебәрергә тейеш.

Был сара Рәсәй Президенты Владимир Путиндың май указдарына ярашлы ҡабул ителгән “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына булышлыҡ итеү” милли проекты нигеҙендә ойошторола.

#региональныепроекты#регпроекты#нацпроектыБашкортостан

Автор: Рәмилә Мусина

Фото: Яндекс