Мәктәптәргә - яңы автобустар

Заманса, уңайлы, навигация яйланмалары менән йыһазландырылған автобус - бөгөн мәғариф учреждениелары өсөн байлыҡ түгел, ә ихтыяж. Өйҙән мәктәпкә барғанда һәм ҡайтҡанда баланың юлы, тәү сиратта, хәүефһеҙ булырға тейеш. Республика етәкселеге мәктәп автотранспорты паркын яңыртыуға ҙур иғтибар бирә. 2018 йылда яңы автобусты - Түбән Әүрез мәктәбе, былтыр Воздвиженка мәктәбе алды. Ә күптән түгел Ғәйнәямаҡ мәктәбе һәм лицей уҡыусылары ла автобуслы булды.

Ғәйнәямаҡ мәктәбенең “ГАЗель” автобусы - ун бер, ә башҡорт лицейының “Форд”ы ун дүрт урынға иҫәпләнгән, оҙатып йөрөүселәр өсөн айырым урындар ҙа бар. ГЛОНАСС юлдаш навигацияһы системаһы, тахограф, балаларҙы йөрөтөү өсөн кәрәкле хәүефһеҙлек саралары менән йыһазландырылған.

Фәнүзә РӘСҮЛЕВА.