“Әсәлек даны “ миҙалы алып ҡыуандылар

Биш һәм унан да күберәк бала тәрбиәләгән гүзәл заттарҙы БР Хөкүмәте вице-премьеры Андрей Назаров ҡотланы. Ул, илебеҙҙә һәм төбәктәрҙә милли проекттарҙы бойомға ашырып, яңы мәктәптәр, балалар баҡсалары, дауаханалар, поликлиникалар төҙөлә, өҫтәмә белем биреү учреждениелары селтәре, балалы ғаиләләргә социаль-психологик ярҙам хеҙмәттәре һәм үҙәктәре үҫешә, был да үҙ сиратында ғаиләнең, күп балалы ата-әсәләрҙең абруйын күтәреүгә йоғонто яһай, тине.

Бөгөн төбәктә 50 меңдән ашыу ҡатын күп балалы әсә булып иҫәпләнә, һанап сығарһаң, был ҡатындар 160 мең самаһы бала тәрбиәләй.

Республикала “Әсәлек даны” миҙалы 1998 йылдан алып тапшырыла.

Фото: Башҡортостан Хөкүмәте сайтынан