Бөтә яңылыҡтар

Ҡанатлы дуҫтарыбыҙға ярҙам итәйек!

Районда “Сыйырсыҡ” акцияһы уҙҙы, унда Пионерҙар йортонда шөғөлләнеүселәр, мәктәп уҡытыусылары һәм уҡыусылары һәм ата-әсәләр ҡатнашты.

Районда “Сыйырсыҡ” акцияһы уҙҙы, унда Пионерҙар йортонда шөғөлләнеүселәр, мәктәп уҡытыусылары һәм уҡыусылары һәм ата-әсәләр ҡатнашты.
Тиҙҙән йылы яҡтан сыйырсыҡтар һәм башҡа ҡоштар тыуған яҡтарына ҡайтасаҡ. Улар йыл әйләнәһенә беҙҙе сут-сут итеп һайрауҙары менән шатландырып ҡына ҡалмай, ә үҫтерелгән уңышты ҡоротҡос бөжәктәрҙән дә һаҡлай. Ләкин ҡоштар оя ҡорор өсөн бөтә ерҙә лә урын таба алмай, шуға ла һәр паркта йәки скверҙа ем һалынған тағараҡтар, сыйырсыҡ оялары элеү мөһим.
Балалар ҡош ояларының һүрәтен төшөрҙө, һыҙымдар яһаны, дәрестә һәм өйҙә ата-әсәләре менән бергә уларға аҙыҡ әҙерләне. Акция Пионерҙар йорто скверында һәм мәктәптәр территорияларында сыйырсыҡ оялары элеү менән тамамланды.
...Тәбиғәт беҙгә күп мөғжизәләр бүләк итә. Тик иғтибарлы булырға ғына кәрәк һәм һеҙ шишмәнең күңелле сылтырауын, ямғыр тамсылары сыңлауын, япраҡтар шыбырлауын, ел иҫеүен һәм ҡоштар һайрауын ишетерһегеҙ.
Римма НИЗАМОВА,
Пионерҙар йортоноң балалар хәрәкәте буйынса методисы.
Читайте нас в