Әлшәй хәбәрҙәре
-21 °С
Болотло
75 лет Победы
Бөтә яңылыҡтар
Криминал
25 Март 2019, 17:34

Иң элек - хәүефһеҙлек

Район прокурорының дәғүә ғаризаһы буйынса Әлшәй район суды гражданин Ю.-ға ҡарата транспорт сараларына идара итеү хоҡуғын туҡтатыу тураһында ҡарар сығарҙы.

Прокуратура үткәргән тикшереү барышында асыҡланыуынса, был ирҙең машина йөрөтөүгә хоҡуғы булмауын раҫлаусы медицина-психиатрия йәһәтенән ҡаршы күрһәтмәләре лә булған – ул Раевка үҙәк район дауаханаһында табип-наркологта иҫәптә торған.


Автомобиль – юғары хәүеф сығанағы, медицинаға бәйле ҡаршы күрһәтмәләре булған кеше транспортҡа идара иткәндә, бының юл фажиғәләренә килтереүе, тирә-яҡтағыларҙың ғүмеренә һәм һаулығына зыян килеүе мөмкин. Шуға ла суд прокурор талаптарын законлы тип тапты һәм яуап биреүсенең транспортҡа идара итеү хоҡуғын туҡтатыу тураһында ҡарар сығарҙы.

Светлана ШӘМСЕТДИНОВА,
судья ярҙамсыһы.