Әлшәй хәбәрҙәре
-24 °С
Болотло
75 лет Победы
Бөтә яңылыҡтар
Хәүефһеҙлек
13 Апрель 2020, 18:50

Сүп-сар яндырмағыҙ!

Районыбыҙҙың биш ауыл биләмәһендә, атап әйткәндә, Раевка, Ибрай, Шафран, Казанка, Ҡармыш ауыл Советтарында ҡоро-һары һәм сүп-сар яндырыу осраҡтарының артыуы теркәлгән.

Районда йыл башынан 23 янғын теркәлгән, уҙған йылдың ошо уҡ осоро менән сағыштырғанда алты осраҡҡа күберәк.
Янғындарҙың күбеһе – асыҡ территорияларҙа ҡоро үлән һәм сүп-сар яныуы. Йыл һайын янғын осраҡтарының киҫкен артыуы апрель һәм май айҙарында күҙәтелә. Районыбыҙҙың биш ауыл биләмәһендә, атап әйткәндә, Раевка, Ибрай, Шафран, Казанка, Ҡармыш ауыл Советтарында ҡоро-һары һәм сүп-сар яндырыу осраҡтарының артыуы теркәлгән.

Башҡортостан Республикаһының Административ хоҡуҡ боҙоуҙар тураһындағы кодексына ярашлы, ауыл биләмәләре башлыҡтары административ хоҡуҡ боҙоу тураһында протокол төҙөргә хоҡуҡлы. Сүп-сар һәм ҡороғанан үлән яндырған өсөн граждандарға 500 һумдан 2 мең һумға тиклем штраф ҡаралған.

Хөрмәтле әлшәйҙәр! Һеҙҙе янғын хәүефһеҙлеге ҡағиҙәләрен мотлаҡ үтәргә, участкаларығыҙҙа ҡоро-һары һәм сүп-сар яндырмаҫҡа саҡырабыҙ. Үҙегеҙҙең һәм яҡындарығыҙҙың именлеге тураһында онотмағыҙ. Янғын сыҡҡанын күрһәгеҙ, 101, 112 (мобиль телефондан), 01, 2-35-30 (стационар телефондан) номерҙарына шылтыратығыҙ.
Дәүләкән район-ара күҙәтеү эшмәкәрлеге һәм иҫкәртеү эше бүлеге.

Читайте нас в