Яңы йыл табынына нимә әҙерләргә?

Ҡомаҡ ашарға бик ярата, шунлыҡтан өҫтәлдә ризыҡ мул әҙерләнһен, ләкин экзотика булмаһын – ябай, туҡлыҡлы ризыҡ йыл хужабикәһен шатландырасаҡ. Шул уҡ ваҡытта Ҡомаҡ – һайланыусан йәнлек, ул төрлөлөктө һәм матурлыҡты ярата, апппетит уятмаған ризыҡтарға иғтибар ҙа итмәйәсәк.

Йыл хужабикәһе хуплаһын өсөн өҫтәлгә мотлаҡ сыр һәм ит турамаһы, йәшелсә-емеш, туҡлыҡлы һәм матур биҙәлгән ҡабымлыҡтар ҡуйығыҙ. Ит, балыҡ, йәшел тәмләткестәр һәм сәтләүек менән салаттар әҙерләгеҙ.