Яңы йыл (йыр)

Яңы йылға әлшәйҙәргә матур бүләк - Яңы йыл йыры. Венер Ғәлимов һүҙҙәре, Рим Сафин музыкаһы.

Аттар саба, ап-аҡ аттар -

Ҡыштың көмөш айҙары.

Арттарынан буран булып

Туҙып ҡала ҡарҙары.

Ишектәрҙе асып ҡуйҙыҡ,

Яңы йылды ҡаршылап.

Донъяларҙы ҡупшы итеп

Биҙәп тора шыршылар.

Яны йыл килә -

Көлә, көлә яңы йыл.

Күҙ йәштәрен һөртә-һөртә

Һаубуллаша иҫке йыл.

Аҡ бәхеттәр, изге теләк

Алып килһен Яңы йыл.

Бер-беребеҙгә булып терәк

Үтһен, дуҫтар, килгән йыл.

Тирә-яҡты моңға күмеп,

Ҡыңғырауҙар яңғырай

Күңел асып, йырлап халыҡ

Яңы йылды ҡаршылай.

Яны йыл килә -

Көлә, көлә яңы йыл.

Күҙ йәштәрен һөртә-һөртә

Һаубуллаша иҫке йыл.

Иҫтә ҡалһын үткән йылдың

Иң бәхетле көндәре.

Миҙгел булып ҡалыр, дуҫтар,

Яңы йылдың төндәре.

Венер ҒӘЛИМОВ.

Раевка ауылы.

Фото: яндекс

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)