Бөтә яңылыҡтар
Иғтибар
24 Июнь , 12:19

Июлдә иҫтәлекле көндәр. Халыҡ һынамыштары

Июль - йәйҙең икенсе айы. Уны "еләк айы", "йәшенле ай" тип тә йөрөтәләр. Сөнки эҫе көн тиҙ арала йәшенле ямғыр менән аралашырға мөмкин.

Июлдә иҫтәлекле көндәр. Халыҡ һынамыштары

Июлдә иҫтәлекле көндәр

1 - Хәрби хәрәкәттәр ветерандары көнө.

3 – Халыҡ-ара кооперация көнө.

ЮХХДИ хеҙмәткәрҙәре көнө.

4 – Диңгеҙ һәм йылға флоты хеҙмәткәрҙәре көнө.

8 – Ғаилә, мөхәббәт һәм тоғролоҡ көнө.

11 - Рәсәй почтаһы көнө.

Балыҡсылар көнө.

17 – Башҡортостандың халыҡ яҙыусыһы Ноғман Мусинға – 90 йәш (1931).

18 – Металлургтар көнө.

19 – Ғәрәфә көнө.

20 – Ҡорбан байрамы.

Халыҡ-ара шахмат көнө.

24 - Сауҙа хеҙмәткәрҙәре көнө.

25 – Хәрби-Диңгеҙ флоты көнө.

Тәфтиш органдары хеҙмәткәрҙәре көнө.

30 - Халыҡ-ара дуҫлыҡ көнө.

 

Халыҡ һынамыштары

- Иртә таңда ысыҡ мул төшһә – көн эҫе булыр.

- Ысыҡ тиҙ кипһә, балыҡтар һыу өҫтөндә уйнаһа – ямғырға.

- Сәскәләр хуш еҫ бөркһә, эҫе булыр.

- Ямғыр яуырға булһа, томан күтәрелер.

- Ҡояш батҡанда болоттар уның артынан эйәреп барһа, ҡеүәтле ел булыр.

- Әгәр болоттар таҫма-таҫма булып ағылһа – ямғыр көт.

- Иртән үлән ҡоро булһа – төндә ямғыр яуыр.

- Үрмәксе ау үрергә тотонһа, көндәр аяҙға булыр.

- Июль айында яңы ай салҡан тыуһа, йыл болотло булыр, ямғыр мул булыр.

- Иртән ҡояшты томан ҡаплаһа, көн аяҙ була.

- Йәй томанлы булһа, емеш уңыр.

- Ҡуҙғалаҡ күп булһа, киләһе ҡыш йылы була.

- Себен-серәкәйҙәр өймәк-өймәк осһа, көн аяҙ, ә бит-ҡулға ҡағылып осһа, ямғырлы булыр.

- Иртә таңда ысыҡ мул төшһә – көн эҫе булыр.
- Сәскәләр хуш еҫ бөркһә, эҫе булыр.

Фото:ivday.ru

 

Июлдә иҫтәлекле көндәр. Халыҡ һынамыштары