Республика парламентының матбуғат хеҙмәтенән хәбәр итеүҙәренсә, Ленин, Ҡыҙыл Байраҡ, II дәрәжә Суворов һәм II дәрәжә Кутузов орденлы 112-се Башҡорт кавалерия дивизияһы яугирҙәре иҫтәлеген мәңгеләштереү буйынса иҫтәлекле дата йыл һайын 13 ноябрҙә билдәләнәсәк. 1941 йылда тап ошо көндә милли ғәскәрҙәр берләшмәләре, шул иҫәптән Башҡортостанда ла, формалаштырыу тураһында ҡарар ҡабул ителә.