Өс йәштән ете йәшкә тиклемге балаларға айлыҡ түләүгә ғаризаны йыл аҙағына тиклем бирергә мөмкин

<p><strong>Өс йәштән 7 йәшкә (был йәште лә индереп) тиклемге балаларға айлыҡ түләүҙе аҙ килемле ғаиләләр (әгәр ғаиләнең бер ағзаһына килем күләме бер йәшәү минимумынан аҙыраҡ булһа) аласаҡ.</strong></p>2020 йылда түләү күләме балаға Рәсәй Федерацияһы субъектында уҙған йылдың икенсе кварталына билдәләнгән йәшәү минимумының (ул Башҡортостанда 4894, 5 һум) яртыһын тәшкил итәсәк. Мохтажлыҡ критерийын билдәләү сиге булып, шулай уҡ 2019 йылдың икенсе кварталына йән башына йәшәү минимумы күләме тора, ул беҙҙең республикала - 9804 һум. 2020 йыл дауамында ғаризаны ҡасан биреүгә ҡарамаҫтан, ғаиләләр түләүҙе бөтә осор өсөн – быйылғы йылдың ғинуарынан йәки балаға өс йәш тулған айҙан башлап аласаҡ. Хәҙерге ваҡытта федераль бюджетҡа төҙәтмәләр индерелә, норматив хоҡуҡи акттар әҙерләнә һәм түләү тәртибе раҫлана.

БР Ғаилә, хеҙмәт һәм халыҡты социаль яҡлау министрлығы матбуғат хеҙмәте.

фото/Pixabay