Әлшәй хәбәрҙәре
-16 °С
Болотло
75 лет Победы
Бөтә яңылыҡтар
Иғтибар
20 Июнь 2019, 12:23

Һыуҙа һаҡ булығыҙ!

Һыу инеү миҙгеле саҡ башланып тора, әммә, ҡыҙғанысҡа ҡаршы, ҡорбандар бар ҙа инде.

Бөгөн республика йылға-күлдәрендә 7 кеше, шул иҫәптән бер бала батып үлгән. Күңелһеҙ статистика беҙҙең районды ла ситләп үтмәне: Дим йылғаһында Сурай ауылынан 53 йәшлек ҡатындың һәм Бәләбәй районында теркәлгән 26 йәшлек егеттең ғүмере өҙөлдө.

- Һыу ингәндә ябай ғына хәүефһеҙлек ҡағиҙәләрен күҙәтмәү һәм үҙ көсөңдө баһалап еткермәү йыш ҡына фажиғәгә килтерә, - ти район хакимиәтенең граждандар оборонаһы һәм ғәҙәттән тыш хәлдәр буйынса баш белгесе Марат Моратхужин. - Балаларҙы һыу буйында ҡараусыһыҙ ҡалдырмағыҙ, эскән килеш һыуға төшмәгеҙ, таныш булмаған урындарҙа һаҡ булығыҙ, һыуҙа хәүефле уйындар ойоштормағыҙ, тигән кәңәштәр бирә ул.

Зилә ВӘЛИУЛЛИНА.

Ашығыс оператив хеҙмәт саҡырыуҙың берҙәм номеры – 112.