Никифарҙа мал салыу цехы асылды

Элекке май һыҡтырыу бинаһын урындағы фермер Юлай Солтанов цех итеп үҙгәртеп ҡорҙо. Унда мал салыу, итте эшкәртеү һәм һаҡлау өсөн махсус бүлмәләр бар. Итте һыуытыу һәм туңдырыу өсөн камералар урынлаштырылған. Бер һүҙ менән әйткәндә, пункт барлыҡ ветеринария-санитария нормаларына һәм “Аҙыҡ-түлек продукцияһы хәүефһеҙлеге тураһында”ғы таможня союзының техник регламенты талаптарына тура килә.

- Беҙ шулай уҡ халыҡҡа малын килтереү өсөн транспорт хеҙмәттәре лә күрһәтәбеҙ, - ти Юлай Флүр улы.