Тоталь диктантҡа саҡырабыҙ

Диктант өсөн текстарҙы билдәле яҙыусылар әҙерләй. Быйыл уны 2015 йылда “Ҙур китап” премияһын алған “Зөләйха күҙҙәрен аса” романы авторы Гүзәл Яхина тәҡдим итәсәк.

Беҙҙең районда тоталь диктант Раевка гимназияһында үтәсәк. Ул 13 сәғәттә башлана. Акцияның координаторы - Раевка 4-се урта мәктәбе уҡытыусыһы Э. Ш. Шевяхова.

Сарала ҡатнашыу totaldict. ru сайтында теркәлеп, Раевка ауылы битенә инергә, майҙансыҡты (Раевка гимназияһы) һайларға, “Теркәлергә” төймәһенә баҫырға һәм артабан инструкция буйынса эш итергә. Был диктантты тикшергәндән һуң шәхси кабинетта үҙ һөҙөмтәгеҙҙе белеү өсөн кәрәк. Теркәлеүҙе шулай уҡ диктант үткәреү урынына килгәс тә үтергә мөмкин.