Әйтер һүҙем бар

Кемдер был яҙмама, бәлки, көлөп кенә ҡарар. Тыныс ҡына йәшәй белмәй инде ул, һаман тормошто үҙгәрткеһе килә, ваҡ-төйәккә бәйләнә, тиер.

Кемдер был яҙмама, бәлки, көлөп кенә ҡарар. Тыныс ҡына йәшәй белмәй инде ул, һаман тормошто үҙгәрткеһе килә, ваҡ-төйәккә бәйләнә, тиер. Әммә бөгөн мин бүлмәмдә документтар тултырып, уларҙы степлер менән беркеткәндә уйға ҡалдым: бер эш көнөндә генә күпме беркеткес-скоба сарыф итәбеҙ! Ә аҙна, ай йәки йылды ла һанаһаң?...

Беҙ уны кәрәкһә-кәрәкмәһә лә һәр ваҡыт ҡулланабыҙ, ә һөҙөмтәһен уйламайбыҙ. Әгәр ҡала, төбәк йәки ил күләмен алһаҡ, бындай тиҙлек менән ун, йөҙ йылдан һуң бит тимер сүбе менән бөтә ерҙе тултырасаҡбыҙ. Ә был үҙе экологик һәләкәткә тиң! Уға тиклем йөҙҙәрсә йыл үтә бит, ул ваҡытта беҙ инде булмайбыҙ, тиерһегеҙ. Ә һеҙ балаларығыҙҙы, ейәндәрегеҙҙе, бүләләрегеҙҙе яратаһығыҙмы, уларҙың сәләмәт йәшәүен, файҙалы ризыҡ менән туҡланыуын теләйһегеҙме, тип һорағым килә. Һеҙ бит бер тауыштан, әлбиттә, тип яуап бирәсәкһегеҙ. Шулай булғас, уйлап ҡарағыҙ, бер көн килеп һеҙҙең ейәнегеҙ йәки бүләгеҙ ҙә үҙҙәренең балалары таҙа экологик мөхиттә йәшәүен теләйәсәк бит.

Ошо проблема тураһында етди уйланһағыҙ ине. Файҙаланылған беркеткестәрҙе айырым һауытҡа йыйып, тимер ҡабул итеү пунктына тапшырһаҡ, яҡшыраҡ булмаҫ инеме икән?

Татьяна ГРИДИНА,

“Урындағылар” йәмәғәт хәрәкәте активисы.

Раевка ауылы.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)