Әлшәй хәбәрҙәре
-21 °С
Болотло
75 лет Победы
Бөтә яңылыҡтар
Иҫкәртеү
1 Август 2019, 18:36

ҠАРБУҘ МЕНӘН ҠАУЫН ФАЙҘАҺЫ

Миҙгел ваҡытында ҡарбуҙ менән ҡауынды ашап ҡалырға кәрәк. Улар һаулыҡ өсөн файҙалы.

Организмды шлактартарҙан һәм токсиндарҙан таҙарталар.
Ҡауында серотонин (бәхет гормоны) бүленеп сығыуға ярҙам итеүсе матдә бар. Шуға ла уны ашағас кәйеф күтәрелә. Ул шулай уҡ иммунитетты нығыта, матдәләр алмашыныуын, баш мейеһе эшмәкәрлеген яҡшырта. Составында тимер күп.

Ҡарбуҙҙа иһә аш һеңдереү процесын яйға һалыусы күҙәнәктәр, еңел эшкәртелә торған углеводтар, С, В , В , РР витаминдары, магний, калий, тимер, марганец, никель бар. Ҡарбуҙҙы бөйөр ауырыуҙары ваҡытында бәүел ҡыуҙырыусы сара булараҡ ҡулланырға кәңәш итәләр. Ҡабығы баш ауыртыуынан ярҙам итә. Бының өсөн еүеш яғын сикәгә ҡуйып 20 – 30 минут тоторға.



Ҡауын менән ҡарбуҙ косметологияла ла ҡулланыла. Ҡауын йомшағы А витаминына бай. Ул тирене йомшарта, шыма итә, сәсте сәләмәтләндерә. Ҡауынды биткә һөртөргә, ҡабығын тирегә ышҡырға кәрәк. Ҡауын ағартыу үҙенсәлегенә эйә. Һипкел, пигмент таптар булғанда файҙалы. Һутын 1:1 нисбәтендә һөткә ҡушып, ҡоро тирегә һөртәләр. Уны сәс төбөнә ышҡырға ла мөмкин. 20 – 30 минуттан шампунь менән йыуалар. Процедураны аҙнаһына 2 - 3 тапҡыр ҡабатларға була.

Башҡортса дини календарҙан алынды.