Баҡса еләгенән тәмлекәс

Шулай уҡ еләктән телде йоторлоҡ тәмлекәстәр әҙерләргә мөмкин. Бөгөн һеҙҙең иғтибарға шундай бер рецепт.

Бының өсөн ярты килограмм ҡатлы ҡамыр (слоеное тесто), 300-400 грамм баҡса еләге, өс аш ҡалағы шәкәр, 10 грамм ванилле шәкәр, бер йомортҡа һарыһы, он, кукуруз крахмалы кәрәк.

Тәүҙә шәкәрҙе ванилле шәкәр менән бергә бутайбыҙ. Шунан ҡатлы ҡамырҙы йәйәбеҙ. Киҫәктәргә бүлеп еләктәрҙе һалабыҙ. Еләктең һуты аҡмаһын өсөн ярты сәй ҡалағы крахмал өҫтәйбеҙ. Бер сәй ҡалағы шәкәр ҡатнашмаһы ҡушып ситтәрен бөкләйбеҙ. Артабан форманы майлап, тәмлекәстәрҙе теҙәбеҙ. Өҫтөнә йомортҡаның һарыһын һылап, бер нисә урындан тишәбеҙ.

Мейесте 180 градусҡа тиклем йылытып, 15 минут тирәһе бешерәбеҙ. Ашығыҙ тәмле булһын!

Фото: Яндекс