Матур ҙа, файҙалы ла

Бәрхәт сәскәһе – ҡоротҡос бөжәктәргә ҡаршы ағыулы үҫемлектәрҙең иң билдәлеһелер, моғайын.

Сәскә атҡанда ул фитонцидтар бүлеп сығара һәм бының менән оҙонморон ҡуңыҙҙарҙы, һуған себенен, үлән бетен һәм кәбеҫтә күбәләген ҡурҡыта. Ә көҙөн, баҡсала ер ҡаҙыу һәм ашлама индереү мәле еткәс, бәрхәт үләнен тупраҡ менән бергә ҡаҙып ташларға мөмкин. Ул бик көслө ашлама булараҡ, тупраҡты зарарлы бәшмәктәрҙән һәм бактерияларҙан дауаларға ярҙам итәсәк.