Эй, май етә, май етә, йәки Майҙа майҙарҙан арынабыҙ

Һимергән кешеләрҙең барыhы ла кәүҙә матурлығы өҫтөндә эшләп бармай. Бөтәhе лә бер төймә таблетка йотоп ҡына барлыҡ проблемаларҙан арынғыhы килә. Тик был – мөмкин булмаған хәл. Нимә эшләргә һуң?

Әҙ аша, әммә файҙалыhын...

Һимергән кешеләрҙең барыhы ла кәүҙә матурлығы өҫтөндә эшләп бармай. Бөтәhе лә бер төймә таблетка йотоп ҡына барлыҡ проблемаларҙан арынғыhы килә. Тик был – мөмкин булмаған хәл. Нимә эшләргә һуң?

Диета тоторғамы? Уның ниндәйе генә юҡ. Француздарҙыҡы – кофе hәм енси тормош. Ҡытайҙарҙыҡы – диңгеҙ аҙыҡтары. Япондарҙыҡы – балыҡ менән дөгө. Хатта итальяндар, макарон изделиелары менән дә ябығып була, тип иҫәпләй. Әммә биш көндән hуң, асығыусы эшкә hәләтен юғалта, башы эшләмәй башлай. Шуға күрә үҙегеҙгә яраҡhыҙ диета менән ашауҙы сикләү бигүк отошло алым түгел.

Иң яҡшыhы – дөрөҫ туҡланыу.

Кеше ҡанда шәкәр әҙәйгәндә асығыу тоя. Тикшереп ҡарағыҙ: бер ҡабым ризыҡ ашағыҙ ҙа, 15-20 минут түҙегеҙ. Шул саҡта ҡанда шәкәр күбәйеп, асығыуығыҙҙы оноторhоғоҙ. Ә беҙ иhә ошо 20 минут эсендә нимә бар – hайлап тормаҫтан бахыр ашҡаҙанға тултырабыҙ: аш, бутҡа, салат, компот h.б. Ябығыу өсөн йәшелсә-емеш кенә ашарға кәңәш итеүҙәре дөрөҫ түгел. Бының өсөн ашҡаҙан менән эсәктәрҙең hап-hау булыуы шарт. Иң дөрөҫө – еңелсә йәшелсә аштары, hурпа эсергә кәрәк. Йәй – ябығыу өсөн ҡулайлы миҙгел. Сөнки эҫелә матдәләр тиҙерәк алмашына.

Һүҙ ҙә юҡ, спорт менән шөғөлләнергә кәрәк.

Йүгерергә, hикерергә, футбол уйнарға, велосипедта йөрөргә, йөҙөргә. Тиҙ ябыҡтыра. Әйткәндәй, йөҙөүҙе белгестәр, иң ҡулайлыhы ти. Йөҙгән саҡта тулыhынса хәрәкәтләнәhең, тын алыу системаhы яҡшыра, иммунитет күтәрелә, сынығаhың.

Тимәк, ябығабыҙ, йәмәғәт! Тик самаһын белеп һәм бер башлағас, ташламайбыҙ!

Һандар һәм факттар

* Бөтә донъя һаулыҡ һаҡлау ойошмаһы мәғлүмәттәре буйынса, ер йөҙөндә 1,7 миллиардтан ашыу кеше артыҡ ауырлыҡтан йонсой.

* Европаның үҫешкән илдәрендәге халыҡтың 15 – 25 проценты һимеҙ (күрһәткес өлкәндәргә ҡағыла).

* Һуңғы ваҡытта донъяла һимеҙ балалар һәм үҫмерҙәр арта. Бай илдәрҙә уларҙың һаны 25 процентҡа етә икән.

* Алты йәшлек сағында һимеҙ булған балаларҙың 50 проценты өлкәнәйгәс тә артыҡ ауырлыҡтан ыҙаланасаҡ.

* Ир-атҡа ҡарағанда ҡатын-ҡыҙ һимеҙлеккә тиҙерәк бирешә. Был организм үҙенсәлегенә бәйле.

* Эпидемиологтар фараз итеүенсә, 2025 йылға ирҙәрҙең – 40, ҡатын-ҡыҙҙарҙың 50 проценты һимеҙлектән яфаланасаҡ.

* Боронғо Римдә йыуандарҙан штраф түләткәндәр.

* Мөғжизә булып, ҡапыл кешеләр һимереүҙән туҡтаһа, ғүмер оҙонлоғо 5 – 10 йылға артыр ине.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)