Район хакимиәтендә - сираттағы “Эшҡыуарлыҡ сәғәте”

Кәңәшмәлә тимерҙән сүкеп семәрләп эшләнгән әйберҙәр яһау буйынса Раевка ауылында цех асырға теләгән эшҡыуар Ф. З. Ғафаровҡа ер участкаһы биреү мәсьәләһе ҡаралды. БР Ер һәм мөлкәт министрлығының Әлшәй районы буйынса милеккә идара итеү комитеты вәкиле эшҡыуарға нисек ер участкаһын алыу алгоритмын, ниндәй документтар кәрәклеген ентекләп аңлатты.

“Эшҡыуарлыҡ сәғәте”нә шулай уҡ стационар булмаған сауҙа нөктәһе асыу өсөн ер участкаһы алыу мәсьәләһе менән эшҡыуар С. А. Холиков мөрәжәғәт итте. Дамир Радик улы тейешле хеҙмәттәргә был проектты ғәмәлгә ашырыуҙа ярҙам итеүҙәрен һораны.

Кемдәр үҙ эшен асырға теләй йәиһә яңы проект тәҡдим итә https://investrb.ru/ru/ сайтында («Подать заявку») ғариза бирә ала, йәки 3-15-97, 3-14-04 телефондары буйынса алдан яҙылырға кәрәк.