Ул административ хоҡуҡ боҙоуҙар өсөн элек һалынған штрафтарҙы түләтеүгә йүнәлтелә.
Закон тарафынан штрафты ирекле түләү срогы ҡаралған – уның һалыныуы тураһында ҡарар үҙ көсөнә ингәндән һуң 60 көндән дә һуңламай түләргә була. Юғиһә РФ Административ хоҡуҡ боҙоуҙар тураһындағы кодекстың 20.25-се стаьяһының 1-се бүлегенә ярашлы, бурыслы кешегә түләнмәгән сумманың икеләтә күләмендә штраф һалыныуы (ул 1 мең һумдан кәм булмаҫҡа тейеш) йәиһә бурыслы кешенең 15 тәүлеккә аресҡа алыныуы йәки мотлаҡ эштәргә ебәрелеүе мөмкин. Былтыр был статья буйынса 161 хоҡуҡ боҙоусы яуапҡа тарттырылды, уларҙың 43-нә штраф икеләтә күләмдә һалынды, 19 кешегә ҡарата суд арест билдәләне, 99 кеше мотлаҡ эштәргә ебәрелде.
Штраф буйынса бурыс булыу-булмау тураһында полицияның участка уполномоченныйынан йәиһә Эске эштәр министрлығы бүлегендә, ЮХХДИ бүлексәһендә белергә мөмкин.