Ҡауын-ҡарбузынан ауыҙ ит!

Ҡарбуз һәм хуш еҫле ҡауын йәнә баҙар, магазин кәштәләрен тултырҙы.

Ҡауында серотонин (бәхет гормоны) бүленеп сығыуға ярҙам итеүсе матдә бар. Шуға ла уны ашағас кәйеф күтәрелә. Ул шулай уҡ иммунитетты нығыта, матдәләр алмашыныуын, баш мейеһе эшмәкәрлеген яҡшырта, хроник ялҡынһыныулы ауырыуҙарға ҡаршы көрәшә. Емештә тимер күп. Тосо цинкка бай.

Ҡауындың йомшағы А витаминына бай. Ул тирене йомшарта, шымарта, сәсте сәләмәтләндерә. Уның өсөн ҡауынды биткә һөртөргә һәм ҡабығын тирегә ышҡырға кәрәк. Ҡауын ағартыу үҙенсәлегенә эйә. Һипкел һәм пигмент таптар булғанда файҙалы. Һутын, 1:1 нисбәтендә һөткә ҡушып, ҡоро тирегә һөртәләр. Уны сәс төбөнә ышҡырға ла мөмкин. 20-30 минуттан шампунь менән йыуалар. Процедураны аҙнаға 2-3 тапҡыр ҡабатлау зарур.

Ҡарбузда иһә аш ҡайнатыу процесын яйға һалыусы клетчаткалар, еңел эшкәртелә торған углеводтар, С, В1, В3, РР витаминдары, магний, калий, тимер, марганец, никель бар. Ҡарбузды бөйөр ауырыуҙары ваҡытында бәүел ҡыуҙырыусы сара булараҡ ҡулланырға кәңәш итәләр. Ҡабығы баш өйәнәгенән ҡотолорға булыша. Бының өсөн еүеш яғын сикәгә ҡуйып 20-30 минут тоталар.

Ҡарбуз емешенең йомшағы менән тосонан битлек яһарға мөмкин. Ҡарбуздың тосон ит үткәргестән сығаралар һәм бер аҙ ғына ҡайнаған һыу өҫтәйҙәр. Барлыҡҡа килгән ҡатнашманы 10-15 минутҡа биткә һөртәләр. Йыуып төшөргәс, бит тиреһенең нәфисләнгәнен һиҙерһегеҙ.

Ҡарбуз һутынан лосьон һәм тоник яһарға була. Уның өсөн һутты туңдырырға һәм барлыҡҡа килгән боҙ менән бит тиреһен ышҡырға кәрәк. Бындай сара теләһә ниндәй тиренең тонусын күтәрә.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хеҙмәте

8-34754( 2-34-46)

Редакция

8-34754 (2-34-49

Кадрҙар бүлеге

8-34754 (2-34-47)