Әлшәй хәбәрҙәре
-19 °С
Болотло
75 лет Победы
Бөтә яңылыҡтар
Быны белеү мөһим
19 Декабрь 2017, 12:25

Ҡағыҙ бланктар урынына

2018 йылдың 1 ғинуарынан илебеҙҙә ветеринария сертификатлауының электрон системаһы эшләй башлаясаҡ.

2018 йылдың 1 ғинуарынан илебеҙҙә ветеринария сертификатлауының электрон системаһы эшләй башлаясаҡ.
Был, бөтәһе лә күнеккән ҡағыҙ бланктар булмаясаҡ, тигән һүҙ. Дәүләт ветеринария күҙәтеүе контроллек иткән барлыҡ йөктәрҙең мотлаҡ “Меркурий” Федераль дәүләт мәғлүмәт системаһының электрон сертификаты булырға тейеш. Шунлыҡтан әгәр эшҡыуарлыҡ эшмәкәрлегегеҙ сеймалдан алып магазин кәштәһендәге әҙер продуктҡа тиклем йөктәр менән бәйле булһа, һеҙгә ғәҙәттәге эш тәртибен үҙгәртергә тура киләсәк. Ветеринария-оҙатыу документтары “Меркурий” мәғлүмәт системаһын файҙаланып электрон тәртиптә генә әҙерләнәсәк.
Был системала әле һаман да теркәлеп өлгөрмәгән сауҙа һәм йәмәғәт туҡланыуы ойошмаларына һәм эшҡыуарҙарға йыл аҙағына тиклем теркәлеү үтергә, пароль һәм логин алырға, шәхси электрон кабинет һәм операторҙың ведомстволы почта системаһында электрон почта адресы булдырырға кәрәк.
Быны почта аша (450071, Өфө ҡалаһы, Лесной проезд урамы, 1) заявка ебәреп, Россельхознадзорҙың БР буйынса идаралығында йәки ябай электрон ҡултамға ҡуйып, электрон формала [email protected] mcx. ru адресында эшләргә, йә булмаһа заявканы шәхсән үҙеңә тапшырырға мөмкин. Ғариза өлгөләре - Россельхознадзор һәм БР Ветеринария идаралығы сайттарында.
Теркәлеү буйынса һорауҙарығыҙ булһа, Әлшәй ветеринария станцияһына (Раевка ауылы, Коммунистик урамы, 16, тел. 2-26-96) мөрәжәғәт итегеҙ.

Район хакимиәтенең иҡтисади үҫеш бүлеге.

Читайте нас в