Башҡортостан кубогының “бронза” миҙалын яуланылар

Әлшәй ауыр атлетика мәктәбе данын беҙҙең район командаһы ла яҡланы.

Ярыш йомғаҡтары буйынса Раевка штангасылары почет пьедесталының “бронза” баҫҡысына күтәрелде. Беҙ тәүге тапҡыр республика кубогында миҙал яуланыҡ, ти тренер Рифат Миңлейәров.

Лицейҙан 8-се синыф уҡыусыһы Денис Гортинский һәм 11-се синыф уҡысыһы Руслан Моратхужин үҙ ауырлыҡ категорияларында призлы урын алды. Ярышта 2-се мәктәптән Роман Макеев бик уңышлы сығыш яһаны. 77 килограмға тиклемге ауырлыҡта спортсы 102 килограмлы штанганы күтәрҙе. Өлкән спортсылар араһында көмөш миҙал яулаған етенсе синыф уҡыусыһы республиканың йыйылма командаһына индерелде. Тиҙҙән үҫмер Башҡортостан командаһы составында Рәсәй беренселегендә ҡатнашасаҡ.