Бөтә яңылыҡтар

ЙОНДОҘЛО ӘЛШӘЙ СӘЛӘМЕ

Дим буйының һағыштары, тауыштары, Дим һыуының көмөш тәңкә ағыштары… Моң һөйгәндәр, Йыр һөйгәндәр, Әйтерһең дә Илгенәмдең гәүһәр ташлы нағыштары.

/28 февраль Стәрлетамаҡта Әлшәй йондоҙҙарының ҙур концерты уңайынан/
Дим буйының һағыштары, тауыштары,
Дим һыуының көмөш тәңкә ағыштары…
Моң һөйгәндәр,
Йыр һөйгәндәр,
Әйтерһең дә
Илгенәмдең гәүһәр ташлы нағыштары.
Бергә берҙәм булһаҡ, алға барыр эштәр,
Дим буйының балаҫтарын һуға йәштәр.
Әлшәй Мәргән ерҙәрендә беҙ булғанда
Батыр рухы,сәсән теле мәңге йәшәр!!!
Дим буйынан матур ҡала Эстәрлегә
Күтәрелә йырлы йондоҙ томандары.
Ауыҙ иткәс Әлшәйемдең күстәнәсен
Булмаҫ һеҙҙә бер битараф ҡалғандары.
Алып килдек һеҙгә ихлас күңелдәрҙән
Изге уйҙар, моңло йырҙар,аҡ теләктәр!
Әлшәй балын,
Әлшәй моңон,
Әлшәй ҡотон
Ҡабул итеп алығыҙсы бар йөрәктән!
Илфаҡ ФАРИЗОВ.
Раевка ауылы.