Кәбеҫтә күбәләгенән нисек ҡотолорға?

Баҡсасылар кәбеҫтә үҫентеләрен ергә сығарып ултыртып та өлгөрмәне, уларҙы аҡ күбәләктәр һырып та алды. Был осраҡта ни эшләргә?

Һеҙгә тағы ла сәй содаһы ярҙамға киләсәк - уны кәбеҫтәләргә зыян килтергән аҡ күбәләк яратмай. Ошо ҡоротҡостар күренә башлау менән йәшеләсәгә тәүҙә һыу, унан өҫтөнә сәй содаһы һибергә кәрәк.

Сода япраҡтарға йәбешеп ҡалырға тейеш. Уның кәбеҫтәгә зыяны юҡ, ә ҡорттарҙы бөтөрә.

Әйткәндәй, йәшелсә бетенән дә шулай ҡотолорға мөмкин. Ун литр һыуға дүрт аш ҡалағы сәй содаһы һалынған иретмәне кис йәшелсәгә һибергә кәрәк. Был эште 3-4 көндән йәнә ҡабатларға.

Баҡса уңышығыҙ мул булһын!

https://bash.rbsmi.ru/articles/ba-sa/S-y-soda-i-yar-am-a--er-308206/

Фото: интернет селтәренән