“Еңеү өсөн олатайыма рәхмәт!”

һәм ҙур стенд-баннер булдырыу өсөн фронтовиктар һәм тыл эшсәндәренең фотоһүрәттәрен йыйыуҙы ойоштора.

Әбдрәшит... Ауылдың аҡһаҡалдары уны Тау-күл тип тә йөрөтә!!! Иҫ киткес матур яҡтар. Ял итеүселәр, балыҡсылар һәм аусыларҙы үҙенә матурлығы менән тартып торған ҡуйы урмандар, күп һанлы күлдәр һәм сылтырап аҡҡан шишмәләр. Әммә ата-бабаларыбыҙҙың тыуған яғын хозур тәбиғәт кенә данламай. Төп байлығы – кешеләр. Был игелекле ерҙең танылған шағирҙар – Шамил Анаҡ һәм Әмир Мәхмүт, Советтар Союзы Геройы Солтан Хәмит улы Бикеев, СССР-ҙың атҡаҙанған осоусыһы Фуат Шәрип улы Үтәшевтарҙы үҫтереүе менән беҙ ғорурланабыҙ.

Был бейеклекте бына инде күп йылдар “Заря” йәмғиәте етәксеһе Наил Мәсғүт улы Әминев тота. Уның һәм ауылдаштарының тырышлығы ярҙамында ауыл таҙа, матур. Беҙҙә урамдар төҙөкләндерелгән һәм юлдар яҡшы. Ауылдың юбилейын билдәләү матур традицияға әйләнде. Әммә был йыл үҙенсәлекле. 2020 йыл – Бөйөк Еңеүҙең 75 йыллығын билдәләү йылы. Был иҫтәлекле ваҡиға сиктәрендә ауылда китапханасылар, мәҙәниәт хеҙмәткәрҙәре тарафынан һәм, әлбиттә, мәктәптә тематик саралар үткәрелә. Уҡытыусылар уҡыусылар менән синыф сәғәттәре һәм тыл эшсәндәре менән ҡыҙыҡлы осрашыуҙар ойоштора. Балалар презентациялар, инсценировкалар әҙерләй, һуғыш йылдары йырҙарын өйрәнә.

“Беҙ хәтерләйбеҙ, беҙ ғорурланабыҙ!” патриотик проекты сиктәрендә тыл эшсәндәре, мәғариф ветерандары, ауыл Советы һәм Ҡырым мәктәбе вәкилдәре ҡатнашлығында ҙур сара уҙҙы.

Бөйөк Еңеүҙең 75 йыллығын бәйрәм итеү уңайынан Әбдрәшит мәктәбе “Еңеү өсөн олатайыма рәхмәт!” акцияһы үткәрә һәм ҙур стенд-баннер булдырыу өсөн фронтовиктар һәм тыл эшсәндәренең фотоһүрәттәрен йыйыуҙы ойоштора.

Хөрмәтле Әбдрәшит ауыл Советы халҡы, яҡташтар! Фотографияларығыҙҙы мәктәпнең [email protected] электрон адресына йәки Әбдрәшит ауылы, Урман урамы, 1 А адресы буйынса ебәрегеҙ. Ҡотосҡос һуғыш йылдарында Ватаныбыҙ алдында бурысын үтәгән, беҙҙең өсөн тыныс күк йөҙө яулаған кешеләрҙең береһе лә онотолмаһын.