“Оло һуғыштың кескәй батырҙары”

Ҡыпсаҡ-Асҡар ауылы китапханаһында башланғыс синыф уҡыусылары менән хәтер сәғәте уҙҙы. “Оло һуғыштың кескәй батырҙары” тип атала ине ул. Володя Дубинин, Марат Казей, Зина Портнова, Валя Котик, “Йәш гвардия” геройҙары тураһында оло быуын вәкилдәре генә түгел, бөгөнгө уҡыусылар ҙа яҡшы белә. Балалар "Улица младшего сына” тигән нәфис фильмдан өҙөк ҡараны, бай йөкмәткеле китап күргәҙмәһендәге әҫәрҙәр менән танышты.